Futzal üzrə Azərbaycan Yüksək Liqasında 6 komanda mübarizə aparacaq.

"Sizinxeber.az" xəbər verir ki, bu barədə Azərbaycan Futzal Federasiyasının keçirilən iclasında qərar qəbul olunub.

Toplantıda yeni mövsümə hazırlıq, Yüksək və Birinci liqalarda iştirak edəcək komandaların siyahısı müzakirə olunub.

Yüksək Liqada 6, Birinci Liqada 10 komanda yarışacaq. Yüksək Liqada mübarizə 4 dövrədən və 20 turdan ibarət olacaq. Birinci Liqada isə komandalar 1 dövrə ərzində üz-üzə gələcəklər. Daha sonra ilk 4 pilləni tutan kollektivlər pley-off mərhələsində gücünü sınayacaq. Qeyd edək ki, Yüksək Liqada mövsümə sentyabrın 18-də start veriləcək.

Yüksək Liqada "Araz-Naxçıvan", "Neftçi İK", "Baku Fire", "Şuşa MFK", U-19, "Lənkəran", Birinci Liqada PFL, "Baku Fire-2", "Xan-Lənkəran-2", "Star Kargo", "Timsport", "Atletiko Baku", "Trabzon - Azərbaycan", "Ulduz", "Dəstə Ordubad" və "Yeni Suraxanı" kollektivləri çıxış edəcəklər.

Oxşar xəbərlər

Azərbaycanın futzal üzrə Yüksək və Birinci Liqalarında 2024/2025 mövsümünün püşkü atılıb

Futzal üzrə Yüksək Liqada IX turun oyunları keçirilib

Futzal üzrə Azərbaycan I Liqasının 2024/2025 mövsümündə 12 komanda iştirak edəcək

Futzal üzrə Yüksək Liqada daha iki oyun keçirilib

Futzal üzrə Yüksək Liqada VI turun oyunları keçirilib