Meksika hökuməti Ümumdünya Şəhərsalma Forumunun 13-cü sessiyasının (WUF13) uğurla keçirilməsi münasibətilə Azərbaycanı təbrik edir.

"Report" xəbər verir ki, bu barədə Mexikonun beynəlxalq məsələlər üzrə baş əlaqələndiricisi Rosio Lombera Qonsales bağlanış mərasimində bildirib.

"Mexiko hökuməti və Meksika nümayəndə heyəti adından WUF13-ün təşkili münasibətilə Azərbaycan xalqına və hökumətinə ən səmimi təbriklərimi çatdırmaq istəyirəm. Bakı bizi böyük səxavət, əzəmət və heyranedici qətiyyətlə qarşıladı", - o qeyd edib.

R.Qonsales əlavə edib ki, WUF13-ün keçirilməsi üçün göstərilən səylər xüsusi təqdirə layiqdir.

"Bu asan deyildi, lakin yenə də forumu yüksək səviyyədə keçirməyə nail oldunuz. Forum möhtəşəm idi. Təşəkkürlər, Azərbaycan", - o bildirib və Azərbaycan dilində "Çox sağ ol" əlavə edib.

Oxşar xəbərlər

Qonsales: Meksika Bakıdan çoxlu sayda ideya ilə qayıdır

Qonsales: Bakıdakı WUF13 sessiyası həqiqətən inklüziv və iştirak üçün açıq idi

Qambiya paytaxtının meri Azərbaycana minnətdarlığını bildirib

Festival iştirakçısı: Ümumdünya Şəhərsalma Forumunun Qarabağda keçirilməsi bizi çox sevindirir

UNECA Afrika üçün kritik əhəmiyyətli məqamda WUF13-ün keçirilməsinə görə Azərbaycanı təşəkkür edib