Yunanıstanın Volos şəhərində təşkil olunan atletika üzrə Balkan çempionatında qızıl medal qazanan azərbaycanlı atlet Əlhəm Nağıyev daha böyük yarışlarda uğur əldə etməyi hədəfləyib.

Bunu "Report"a fəxri kürsünün ən yüksək pilləsinə qalxan idmançı bildirib.

O, son uğurundan və gələcək hədəflərindən danışıb:

"Balkan çempionatında belə nəticə əldə etmiyim çox sevindirici haldır. Qızıl medal qazanmaq, Azərbaycanın bayrağını ucalara qaldırmaq gözəl hissdir. Hisslərimi sözlə ifadə etmək çətindir. Növbəti hədəfim məşq proseslərindən asılı olacaq. Daha çox çalışıb, daha böyük yarışlarda uğurlar qazanmağı hədəfləyirəm".

Qeyd edək ki, Ə.Nağyev 200 metr məsafəyə qaçışı 20.70 saniyə göstərici ilə başa vuraraq, ümumilikdə 19 idmançının mübarizəsində birinci olub.

Oxşar xəbərlər

Azərbaycanlı atlet qızıl medal qazanıb

Azərbaycanın daha bir velosipedçisi Balkan çempionatında gümüş medal qazanıb

Azərbaycan atleti Serbiyada qızıl medal qazanıb

Azərbaycan atleti Balkan çempionatında ölkə rekordunu yeniləyib

Azərbaycanın paralimpiya çempionu: "Bütün yarışlarda birinciliyi hədəfləyirəm"