TƏBİB Bakıda baş verən avtoqəza ilə bağlı məlumat yayıb.

Qurumdan "Report"un sorğusuna cavab olaraq bildirilib ki, Respublika Təcili və Təxirəsalınmaz Tibbi Yardım Mərkəzinə 2025-ci il iyunun 7-də saat 13:50 radələrində Nərimanov rayonu, Böyükşor gölü ərazisində yol-nəqliyyat hadisəsi ilə bağlı çağırış daxil olub.

Çağırış əsasında təcili tibbi yardım briqadası ünvana cəlb olunub. Hadisə yerində 3 kişinin həkiməqədər ölüm faktı qeydə alınıb. Xəsarət alan 68 yaşlı kişi isə müştərək travma diaqnozu ilə Sabunçu Tibb Mərkəzinə hospitalizasiya olunub.

Bakının Sabunçu rayonunda, Böyükşor gölü yaxınlığında baş verən avtoqəzada 3 nəfər ölüb, 1 nəfər xəsarət alıb.

Bu barədə “Report”un sorğusuna cavab olaraq Bakı Şəhər Dövlət Yol Polisi İdarəsindən məlumat verilib.

Bildirilib ki, ilkin məlumata görə, "Mercedes" markalı yük maşını ilə "Wolkvagen" markalı minik avtomobili toqquşub.

Faktla bağlı araşdırma aparılır.

Bakıda, Böyükşor gölü yaxınlığında ağır yol-nəqliyyat hadisəsi baş verib.

“Report”un məlumatına görə, minik və yük avtomobilləri toqquşub.

Hadisə nəticəsində ölən və yaralananların olduğu bildirilir.

Əraziyə polis əməkdaşları və təcili tibbi yardım avtomobilləri cəlb olunub.

Oxşar xəbərlər

Bakıda yol qəzası olub, 3 nəfər xəsarət alıb

Bakıda taksi ilə yük maşını toqquşub, xəsarət alan var - YENİLƏNİB

Sumqayıtda Reabilitasiya Mərkəzində baş verən yanğında bir nəfər xəsarət alıb

TƏBİB Bakıdakı yanğınla bağlı məlumat yaydı

Güclü külək səbəbindən üç nəfər xəsarət alıb: Birinin vəziyyəti ağırdır