Oğuzda fermada baş verən yanğın zamanı ev quşları yanaraq tələf olub.

"Report"un Şimal-qərb bürosunun məlumatına görə, hadisə gecə saatlarında rayonun Padar kəndində, kənd sakini Mûşfiq Dadaşova məxsus ümumi sahəsi 500 kvadrat metr olan quşçuluq fermasında qeydə alınıb.

Yanğın zamanı fermanın 250 kvadrat metr dam örtüyü, və 1 ədəd cücə yetişdirmək üçün istifadə olunan inkubator avadanlığı yanıb. Bundan başqa, 1000 ədəd yumurta və 200 ədəd cücə də yanaraq tələf olub.

Hadisə yerinə Oğuz Dövlət Yanğından Mühafizə Hissəsinin texnikaları və şəxsi heyəti cəlb olunub, yanğın söndürülüb.

Faktla bağlı araşdırma aparılır.

Oxşar xəbərlər

Balakəndə cücə ferması yanıb, 5 min cücə yanaraq tələf olub

Oğuzda ev yanıb, xəsarət alan var

Şəkidə güclü yanğın nəticəsində ev sahibinin xırdabunuzlu heyvanları tələf olub

İmişlidə yanğın olub, yüzdən çox ev quşu tələf olub - YENİLƏNİB

Goranboyda fermada yanğın baş verib