Naxçıvan Muxtar Respublikası (MR) Fövqəladə Hallar Nazirliyinin (FHN) “112” qaynar telefon xəttinə Culfa rayonu Ərəzin kəndində fərdi yaşayış evində yanğın hadisəsinin baş verməsi barədə məlumat daxil olub.

Nazirlikdən "Report"un yerli bürosuna verilən xəbərə görə, məlumatla əlaqədar dərhal Culfa rayon Dövlət Yanğından Mühafizə Hissəninin bölmələri çağırış üzrə hadisə yerinə cəlb olunublar.

Yanğından mühafizə bölmələri tərəfindən həyata keçirilən təcili və təxirəsalınmaz tədbirlər nəticəsində yanğının genişlənməsinə imkan verilmədən söndürülüb.

Yanğın hadisəsi nəticəsində ümumi sahəsi 76 m2 olan 1 mərtəbə, 4 otaqdan ibarət olan fərdi yaşayış evinin 12 m2 mətbəxt hisəssinin tavanı yanıb, 64 m2 isə evin içərisində olan əşyalarla birlikdə yanğından mühafizə olunub.

Oxşar xəbərlər

Şərurda fərdi yaşayış evi yanıb

Naxçıvanda fərdi evdə yanğın olub, ölən var

Qazaxda üçotaqlı evdə yanğın olub

Masallıda evdə yanğın olub

Qazaxda 2 mərtəbəli evdə yanğın olub - VİDEO