Gəncədə iki minik avtomobili toqquşub, xəsarət alanlar var

Gəncədə yol-nəqliyyat hadisəsi baş verib.

Sizinxeber.az-nın yerli bürosunun məlumatına görə, hadisə şəhər ərazisində qeydə alınıb.

Hərəkətdə olan VAZ 2107 və "Opel" markalı minik avtomobilləri toqquşub. Zərbənin təsiri ilə VAZ 2107 yol kənarındakı bardürə çırpılıb. Qəza nəticəsində 2002-ci il təvəllüdlü İ. Niftalıyev və daha bir nəfər xəsarət alaraq xəstəxanaya yerləşdirilib. Hər iki avtomobilə və yol təsərrüfatına ciddi ziyan dəyib. Faktla bağlı araşdırma aparılır.