Bakının Nizami rayonunda "Şərab evi"ndə satıcını bıçaqla hədələyib kassa aparatını ələ keçirən şəxsi polis saxlayıb.

Bu barədə Sizinxeber.az-ya DİN-in mətbuat xidmətindən məlumat verilib.

Bildirilib ki, martın 6-da axşam radələrində paytaxtın Nizami rayonunda yerləşən şərab evlərinin birində quldurluq hadisəsi qeydə alınıb. Belə ki, naməlum şəxsin həmin yerdə çalışan 21 yaşlı satıcını kəsici-deşici alətlə hədələyərək içərisində 1000 manat pul olan kassa aparatını talaması barədə polisə məlumat daxil olub.

Nizami Rayon Polis İdarəsi 25-ci Polis Şöbəsinin əməkdaşlarının həyata keçirdikləri tədbirlər nəticəsində quldurluq əməlini törətməkdə şübhəli bilinən 29 yaşlı Xəyal Yusifov müəyyən olunaraq saxlanılıb.

Faktla bağlı araşdırmalar davam etdirilir.

Oxşar xəbərlər

Bakıda sürücünü hədələyib pulunu ələ keçirən şəxslər tutulub- VİDEO

Sabunçuda 10 min manatlıq oğurluq edib, gözətçini hədələyərək qaçan 2 nəfər saxlanılıb

Bakıda evdən 4 min manat oğurlanıb

Yasamalda mağaza mühafizəçisini hədələyərək oğurluq edən şəxs saxlanılıb

Sabunçuda kəsici alətlə evə hücum edən şəxs saxlanılıb