Qazaxıstanın Aktau şəhəri yaxınlığında qəzaya uğramış “Azərbaycan Hava Yolları”na (AZAL) məxsus sərnişin təyyarəsinin pilotlarının danışıqlarının stenoqramları araşdırmada maraqlı olan bütün tərəflərdə var.

“Report” xəbər verir ki, bunu Qazaxıstanın nəqliyyat nazirinin müavini Talqat Lastayev bildirib.

"Stenoqramlara gəlincə, onlar bütün maraqlı tərəflərin əlindədir. Burada heç bir qeyri-obyektivlik ola bilməz. Bunlar deşifrələmənin aparıldığı Braziliyadan olan mütəxəssislər, bizim, Azərbaycandan, Rusiyadan, ICAO-dan (Beynəlxalq Mülki Aviasiya Təşkilatı) olan mütəxəssislərdir. Bütün tərəflərdə bu stenoqramlar var", - T.Lastayev hadisənin araşdırılması üzrə ilkin hesabata pilotların kabinədəki danışıqlarının daxil edilməməsinin səbəbi ilə bağlı suala cavabında bildirib.

Oxşar xəbərlər

Talqat Lastayev: AZAL-a məxsus təyyarənin qəzası ilə bağlı texniki ekspertizalar aparılır

Qazaxıstan AZAL-ın qəza təhqiqatı hesabatını ilin sonuna qədər tamamlamağı planlaşdırır

Nazir müavini: Qəzaya uğrayan təyyarənin qara qutuları ilə iş Braziliyadan mütəxəssislər gəldikdən sonra başlayacaq

AZAL-ın qəzaya uğrayan təyyarəsi ilə bağlı yekun hesabat dekabra qədər təqdim ediləcək

G1: Braziliya HHQ AZAL-ın qəzaya uğramış təyyarəsinin qara qutularının açılmasını başa çatdırıb