Nənəsini və həyat yoldaşını bıçaqlamaqda təqsirləndirilən Elnur Əliyevin cinayət işi üzrə məhkəmənin yekun prosesi keçirilib.

Sizinxeber.az xəbər verir ki, bu gün Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə hökm oxunub.

Hökmə əsasən, Elnur Əliyev 16 il müddətinə azadlıqdan məhrum edilib.

Qeyd edək ki, ittihama görə, hadisə paytaxtın Sabunçu rayonunda baş verib. Əliyev Elnur Şahid oğlu yaşadığı fərdi yaşayış evində aralarında yaranmış mübahisə zamanı bıçaqla nənəsi Tatilova Laçın Həsən qızına daxilə nüfuz edən 1, arvadı Məmmədova Elminaz Sənan qızına isə daxilə nüfuz etməyən 1 xəsarət yetirib.

Faktla bağlı cinayət işi başlanıb və E.Əliyev şübhəli şəxs qismində saxlanılıb.

Onun barəsində Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham irəli sürülüb.

Oxşar xəbərlər

Bakıda avtovağzalın girişində 25 yaşlı oğlanı öldürməkdə təqsirləndirilən şəxsə hökm oxunub

Gəncədə əvvəl həyat yoldaşını, sonra özünü bıçaqlayan şəxsə hökm oxunub

Rusiyada bir nəfəri bıçaqlayan Ağcabədi sakininə hökm oxunub

Bakıda tanışının üzünə "kislota" tökərək xəsarət yetirən qadına hökm oxunub

Qaynını öldürməkdə təqsirli bilinən şəxsə cəza istənilib