Sabirabadda 49 yaşlı qadını öldürməkdə təqsirləndirilən yeniyetmənin cinayət işi üzrə məhkəmə prosesi başlayıb.

APA xəbər verir ki, Lənkəran Ağır Cinayətlər Məhkəməsində hakim Cavanşir Nəbiyevin sədrliyi ilə keçirilən prosesdə anket məlumatları dəqiqləşdirilib.

Daha sonra təqsirləndirilən şəxsin vəkili müvəkkili barəsində seçilən həbs qətimkan tədbirinin ev dustaqlığı ilə dəyişdirilməsi barədə vəsatət verib.

Məhkəmə vəsatəti təmin etməyib və prosesin baxışa verilməsi barəsində qərar qəbul edib.

Məhkəmənin baxış iclası yanvarın 23-nə təyin olunub.

Qeyd edək ki, hadisə ötən il avqust ayında baş verib. 2007-ci il təvəllüdlü Ramal Qurbanlı tanışı 1975-ci il təvəllüdlü Rəna İmanovanı aralarında baş verən mübahisə nətticəsində bıçaqlayaraq qətlə yetirib.

Ona qarşı Cinayət Məcəlləsinin 120.2.11-ci (qəsdən adam öldürmə, quldurluqla əlaqədar adam öldürmə) maddəsi ilə ittiham irəli sürülüb.

Oxşar xəbərlər

Sumqayıtda ata və anasını öldürməkdə təqsirləndirilən şəxsin məhkəməsi başlayıb [xfgiven_updateblue][/xfgiven_updateblue]

"Abzas Media" işi üzrə məhkəmə başlayıb [xfgiven_updateblue][/xfgiven_updateblue]

Əziz Orucovun məhkəməsi başlayıb [xfgiven_updateblue][/xfgiven_updateblue]

Fransaya casusluqda ittiham edilən şəxslərin məhkəməsi başlayıb [xfgiven_updateblue][/xfgiven_updateblue]

Bakıda 75 yaşlı kişini qətlə yetirən şəxsin məhkəməsi başlayıb [xfgiven_updateblue][/xfgiven_updateblue]