Müdafiə Nazirliyinin Satınalma və Təchizat İdarəsinin sabiq şöbə rəisi vəzifəsində çalışmış Mahir Şirvanov barəsində olan hökmdən verilən apellyasiya protesti üzrə məhkəmə başlayıb.

APA xəbər verir ki, bu gün Bakı Apellyasiya Məhkəməsində hakim Elbəy Allahverdiyevin sədrliyi ilə məhkəmənin ilkin baxış iclası keçirilib.

Məhkəmə baxışı oktyabrın 30-na təyin olunub.

Qeyd edək ki, Bakı Hərbi Məhkəməsinin bu il sentyabrın 9-da çıxardığı hökmə əsasən, Mahir Şirvanob 4 il müddətinə azadlıqdan məhrum olunub. Baş Prokurorluq hökmdən narazı qalıb.

Baş Prokurorluğun yaydığı məlumatda qeyd olunub ki, təqsirləndirilən şəxsin əməlinin xarakteri və ictimai təhlükəliliyi, habelə Cinayət qanunun normasının düzgün tətbiq edilməyərək ona qanunla nəzərdə tutulan həddən aşağı cəzanın təyin edilməsi nəzərə alınaraq, qeyd edilən hökmlərdən sentyabrın 24-də dövlət ittihamçısı tərəfindən apelyasiya protesti verilib.

Xatırladaq ki, Baş Prokurorluq Müdafiə Nazirliyinin sabiq şöbə rəisi Məlikməmməd Qurbanov barəsində olan hökmdən də apellyasiya protesti verib. Protestə Bakı Apellyasiya Məhkəməsində baxılır.

Oxşar xəbərlər

MN-in sabiq şöbə rəisi ilə bağlı hökmdən verilən apellyasiya protesti üzrə məhkəmə başlayıb

MN-in sabiq şöbə rəisləri Mahir Şirvanov və Məlikməmməd Qurbanov barəsində hökmlərdən apellyasiya protesti verilib

MN-nin mənimsəmə ittihamı ilə həbs olunmuş sabiq vəzifəliləri barədə olan hökmlərdən apellyasiya protesti verilib

Rüşvətə görə həbs olunan xəstəxana direktoru ilə bağlı şikayətlər geri götürülüb

Sumqayıtda idmançını öldürən ata və oğul barəsində məhkəmə qərar qəbul edib