Göyçay Rayon Polis Şöbəsinin Dövlət Yol Polisi Bölməsinin əməkdaşlarının həyata keçirdikləri profilaktik tədbirlər zamanı narkotiklərin təsiri altında avtomobil idarə edən sürücülər saxlanılıblar.

Daxili İşlər Nazirliyinin Mətbuat Xidmətinin Şəki regional qrupundan Sizinxeber.az-ya verilən məlumata görə, “VAZ-2104” markalı avtomobilin sürücüsü Elçin Abdullayev və “VAZ-2106”-nın sürücüsü Cavid Yusifov yol hərəkəti qaydalarını pozduqları üçün onlara “saxla” işarəsi verilib.

Yoxlama zamanı sürücülərin narkotik vasitə qəbul etmələrinə dair şübhə yarandığından onlar tibbi müayinədən keçirilib. Müayinənin nəticəsinə əsasən hər ikisinin narkotik vasitə marixuana istifadə etdikləri məlum olub.

Həmin şəxslər barəsində toplanmış materiallar baxılması üçün məhkəməyə göndərilib.

Oxşar xəbərlər

Göyçayda narkotiklərin təsiri altında avtomobil idarə edən sürücülər saxlanılıblar

Beyləqanda narkotikin təsiri altında maşın sürən şəxs həbs edilib

Qubada narkotik və spirtli içkinin təsiri altında maşın sürən 25 nəfər saxlanılıb

Qusarda avtomobili narkotik və spirtli içki təsiri altında idarə edən 21 sürücü aşkar olunub