Prezident İlham Əliyevin tapşırığına əsasən, Heydər Əliyev Fondunun dəstəyi və Bakı Şəhər İcra Hakimiyyətinin sifarişi ilə Müqəddəs II İoann Pavelin şərəfinə tikiləcək katolik kilsəsinin yerləşəcəyi ərazinin arxiyepiskop Paul Riçard Gallager tərəfindən təqdisetmə mərasimi keçirilib.

"Sizinxeber.az" xəbər verir ki, mərasimdə Heydər Əliyev Fondunun Beynəlxalq əlaqələr departamentinin rəisi, Milli Məclisin deputatı Soltan Məmmədov, Dini Qurumlarla İş üzrə Dövlət Komitəsinin sədri Ramin Məmmədov, Katolik Kilsəsinin Apostol Prefekturasının yepiskopu Vladimir Fekete, Müqəddəs Taxt-Tacın Azərbaycan Respublikasındakı Apostol nunsisi Marek Solçinski, Azərbaycanın Müqəddəs Taxt-Tacda fövqəladə və səlahiyyətli səfiri İlqar Muxtarov və digər rəsmi şəxslər iştirak ediblər.

Müqəddəs Taxt-Tacın Dövlətlər və Beynəlxalq Təşkilatlarla əlaqələr üzrə katibi arxiyepiskop Paul Riçard Gallager kilsənin layihəsi ilə tanış olub.

Xatırladaq ki, kilsənin tikintisi məqsədilə Bakı Şəhər İcra Hakimiyyəti tərəfindən paytaxtın Yasamal rayonu, Abbas Mirzə Şərifzadə küçəsi, giriş 722 ünvanında yerləşən 0,17 hektar torpaq sahəsinin Azərbaycan Respublikasındakı Katolik Kilsəsinin istifadəsinə verilməsi haqqında 2024-cü il 1 may tarixli Sərəncam qəbul edilib.

Oxşar xəbərlər

Vatikanın dövlətlərlə əlaqələr üzrə katibi Bakıya səfərə gəlib [xfgiven_updateblue][/xfgiven_updateblue]

Bakıda yeni katolik kilsəsinin təməli qoyulub - FOTO [xfgiven_updateblue][/xfgiven_updateblue]

Müqəddəs Taxt-Tacın Dövlət katibi Azərbaycana səfərə gəlib [xfgiven_updateblue][/xfgiven_updateblue]

Prezident İlham Əliyev Müqəddəs Taxt-Tacın Dövlət katibi ilə görüşüb - YENİLƏNİB [xfgiven_updateblue][/xfgiven_updateblue]

Heydər Əliyev Fondunun Vatikanda Müqəddəs Yubiley İlinə töhfəsi [xfgiven_updateblue][/xfgiven_updateblue]