Qərbin kütləvi informasiya vasitələrində ksenofobiya, türkofobiya, islamofobiya geniş vüsət alıb.

"Report"un Şuşaya ezam olunmuş müxbiri xəbər verir ki, bunu Nazirlər Kabineti Aparatının Humanitar məsələlər şöbəsinin müdiri Ərəstu Həbibbəyli Şuşa şəhərində keçirilən "İdeoloji mübarizədə din amili: mediadan gözləntilər" mövzusunda seminarda çıxış edərkən deyib.

Onun sözlərinə görə, multikulturalizmin Azərbaycan modeli isə bütün dünyaya nümunədir: "Azərbaycanda multikulturalizm həyat tərzi, dövlət siyasətidir. İdeoloji cəbhədə mediadan gözləntilər çox böyükdür. Hazırda ənənəvi mediada maarifləndirmə, peşəkar yanaşma görürük. Bunun əksinə, sosial mediada tam əks durum mövcuddur. Sosial mediada yayılan "fake" informasiyalar ənənəvi mediaya da bəzi hallarda təsirini göstərə bilir. Buna görə dini zəmində baş verən hadisələrə həssaslıqla yanaşılmasında, dezinformasiyanın yayılmasının qarşısının alınmasında ənənəvi medianın üzərinə böyük yük düşür".

Oxşar xəbərlər

Şuşada "İdeoloji mübarizədə din amili: mediadan gözləntilər" mövzusunda seminar başlayıb

Şuşada “İdeoloji mübarizədə din amili: mediadan gözləntilər” mövzusunda seminar keçiriləcək

Ramin Məmmədov: Dinin müxtəlif kontekstlərdə alətə çevrilməməsi üçün ciddi işlər görülür

Şuşada “İdeoloji mübarizədə din amili: mediadan gözləntilər” mövzusunda seminar keçirilir - FOTO

Şuşa Media Forumu beynəlxalq mediada rezonans yaratmaqda davam edir