Bakıda “Sıfıra doğru” şüarı altında Sənaye Təhlükəsizliyi Zirvəsi keçirilir.

"Sizinxeber.az" xəbər verir ki, tədbirdə özəl və dövlət müəssisələrinin nümayəndələri, icraçı direktorlar, şirkət rəhbərləri, dövlət qurumlarının rəsmiləri, iş adamları və sahibkarları sənaye təhlükəsizliyi, ətraf mühitin mühafizəsi, iqlim dəyişikliyi və iş yerində təhlükəsizlik mövzularında qlobal yeniliklər, innovativ həllər və qabaqcıl təcrübələri müzakirə edərək fikir mübadiləsi aparırlar.

Tədbirin “Sinerjidən enerjiyə” mövzusundakı birinci panelində innovasiyaları davamlı, karbonsuz gələcəyə aparan əməkdaşlıq yaratmaq üçün hökumət, biznes və akademik dairələrin birgə təşəbbüsü ilə alternativ enerji mənbələrinə keçidi sürətləndirmək, sənaye təhlükəsizliyini artırmaq və qabaqcıl həllərlə iqlim dəyişikliyi ilə mübarizədə qlobal səylərə rəhbərlik etmə yolları müzakirə ediləcək.

Tədbirin ikinci paneli isə müxtəlif sənaye liderlərinin “TEDx” formatında çıxışları ilə karbonsuzlaşdırma və SƏTƏM sahəsindəki yenilikləri müzakirə edərək, açıq ünsiyyət və psixoloji təhlükəsizliyin sənaye innovasiyaları və əməkdaşlığını gücləndirməkdəki rolunu vurğulayacaq.

Sonda isə “HSE Awards” təltifetmə mərasimi baş tutacaq.

Qeyd edək ki, tədbir Fövqəladə Hallar Nazirliyi Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutu və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub.

Oxşar xəbərlər

Bakıda "Sənaye dekarbonizasiyası üçün Qlobal Uyğunlaşdırma Platformasının (GMP) işə salınması" adlı tədbir keçirilib

Bakıda COP29-a paralel olaraq 15-ci Dünya İqlim Sammiti keçiriləcək

Ukrayna COP29 çərçivəsində İqlim Klubu Qlobal Platformasına qoşulub

Mikayıl Cabbarov: “Yaşıl iqtisadiyyat”ın inkişafı ekoloji təhlükəsizliyin qorunmasına hesablanıb”

Bu gün Azərbaycanda COP29-a start verilir