Səhiyyə sektorunda insan kapitalının gücləndirilməsi istiqamətində görülən işlər çərçivəsində səhiyyə naziri Teymur Musayev V "Yüksəliş müsabiqəsi"nin qalibi Ramil Hüseynzadə ilə görüş keçirib.

Bu barədə "Report"a Səhiyyə Nazirliyindən məlumat verilib.

Bildirilib ki, görüş zamanı səhiyyə sistemində həyata keçirilən yeniliklər, idarəçilikdə müasir yanaşmalar, rəqəmsal transformasiya və kadrların inkişaf perspektivləri ətrafında fikir mübadiləsi aparılıb.

Teymur Musayev səhiyyə sahəsində aparılan yeniliklərin uğurla tətbiqində təşəbbüskar və peşəkar kadrların xüsusi əhəmiyyət daşıdığını vurğulayıb.

Görüş çərçivəsində idarəetmə mexanizmlərinin daha da təkmilləşdirilməsi, tibbi xidmətlərin səviyyəsinin yüksəldilməsi və innovativ həllərin tətbiqi ilə bağlı geniş müzakirələr aparılıb. Sonda nazir qalibə gələcək fəaliyyətində nailiyyətlər arzulayıb.

Oxşar xəbərlər

Teymur Musayev: Kimsə mətbəxdə diş çəkdirirsə, nazirlik buna heç nə edə bilməz

Teymur Musayev: ATU-da "İqlim dəyişikliyi və sağlamlıq" fənninin tədrisinə başlanılıb

Azərbaycan və Çin səhiyyə sahəsində gələcək inkişaf perspektivlərini müzakirə edib

Səhiyyə naziri IV “Yüksəliş” müsabiqəsinin qalibi ilə görüşüb

Səhiyyə naziri: Yüksəkixtisaslı kadrların hazırlanması daim prioritetdir