“Uzun illər boyu etinasız yanaşmanın qurbanı olmuş mövzunu müzakirə edirik”.

APA xəbər verir ki, bunu Qərbi Azərbaycan İcmasının qayıdış hüququ mövzusunda təşkil etdiyi II beynəlxalq konfrans çərçivəsində keçirilən paneldə Türkiyə Böyük Millət Məclisinin üzvü, Ədalət və İnkişaf Partiyasının sədr müavini Zəfər Sırakaya deyib.

O, 30 il ərzində Qarabağın işğalı zamanı yaranan böyük fəsadlardan söhbət açıb: “Təcavüzün digər qurbanı Azərbaycanın zəngin mədəni irsidir. Beynəlxalq təşkilatlar bu məsələyə laqeyd yanaşır.
Amma gec-tez ədalət bərpa olunacaq. Biz bu məsələdə də Azərbaycanın yanındayıq”.

Z.Sırakaya Qərbi Azərbaycana qayıdış hüququnun zəruriliyi barədə fikirlərini bölüşərkən qeyd edib ki, qayıdış hüququ beynəlxalq hüquqda tam qəbul edilmiş müddəadır: “Yaşadığı ərazilərdən köçkün düşmüş azərbaycanlıların hüquqları bərpa edilməlidir. Adidiyyəti olan tərəflərin iştirakı ilə müfəssəl yanaşma təklif edilməlidir. Biz gələcək nəsillər qarşısında məsuliyyət daşıyırıq. Bu məsuliyyət Qafqazda sülhü bərqərar etməyə əsaslanır”.

Oxşar xəbərlər

Ermənistandan zorla çıxarılmış azərbaycanlıların geri qayıtmaq hüququ mövzusunda panel keçirilib

“Qayıdış hüququ – Ermənistandan zorla çıxarılan Azərbaycanlılar üçün ədalətin təşviqi” mövzusunda II beynəlxalq konfrans keçiriləcək

Mövlud Çavuşoğlu: Bölgədə sülhü bərqərar etmək Türkiyə ilə Azərbaycanın ortaq arzusudur

AK Partinin sədr müavini: Cənubi Qafqazda sülh və sabitlik əldə olunmalıdır

Əziz Ələkbərov: “Ermənistan hökumətinin konstruktiv dialoqa hazır olmaması bölgədə davamlı sülhün qurulmasını çətinləşdirir”