Ermənistandan zorla çıxarılmış azərbaycanlıların geri qayıtmaq hüququnun tarixi və hüquqi əsaslarına baxış mövzusunda panel keçirilib.

Sizinxeber.az xəbər verir ki, “Qayıdış hüququ: Ermənistandan zorla çıxarılmış azərbaycanlılar üçün ədalətin təşviqi” mövzusunda Qərbi Azərbaycan İcmasının təşkil etdiyi II beynəlxalq konfrans çərçivəsində keçirilən paneldə mövzu ilə bağlı tarixi və hüquqi məsələlər müzakirə edilib.

Panelin moderatoru millət vəkili Fariz İsmayılzadə müzakirə olunacaq istiqamətlər barədə məlumat verib və çıxışçıları təqdim edib.

Pakistan Hüquq və Ədalət Komissiyasının katibi Riffat İnam Butt qayıdış hüququ və bu tip məsələlərin həlli istiqamətində vətəndaş cəmiyyətlərinin fəaliyyətinə dəstəyin zəruriliyini qeyd edib: “Vətəndaş cəmiyyətlərinin fəaliyyətinə çox dəstək vacibdir. Çünki mədəni irsin qorunmasında onların rolu böyükdür. Azərbaycan beynəlxalq hüquqa uyğun olan əsaslanan təkliflərlə çıxış edir. Sülhün təmin olunmasında bunlar nəzərə alınmalıdır”.

Paneldə Frankfurt Universitetinin müəllimi dr. Michael Hess, Roma Sapienza Universitetinin Beynəlxalq Hüquq üzrə əməkdaşı dr. Valentina Chabert, Suxumi Dövlət Universitetinin professoru, politoloq, tarixçi Quram Marxulia, Qrinsboro Universitetinin Sülh və Münaqişələrin Tədqiqatları Departamentinin professoru Əli Əsgərov qayıdış hüququnun əhəmiyyəti, tarixi faktlar, bu günün reallığında siyasi əlaqələrin necə tənzimlənməsi barədə fikirlərini bölüşüblər.

Oxşar xəbərlər

“Qayıdış hüququ – Ermənistandan zorla çıxarılan Azərbaycanlılar üçün ədalətin təşviqi” mövzusunda II beynəlxalq konfrans keçiriləcək

Prezident beynəlxalq ictimaiyyətin Qərbi Azərbaycan İcması üzvlərinin qayıdışı üçün dinc təşəbbüsləri dəstəkləməsini əhəmiyyətli sayır

Qərbi Azərbaycan İcması Kamala Harrisin açıqlamasıyla bağlı bəyanat yayıb

İcma sədri: Ermənistan ərazisinə UNESCO-nun missiya göndərməsinə icazə vermir

Prezident Ermənistandan zorla çıxarılmış azərbaycanlılar üçün ədalətin təmin edilməsi mövzusunda beynəlxalq konfransın iştirakçılarına müraciət edib