Azərbaycan Baş nazirinin müavini, Azərbaycan və Tacikistan arasında ticarət-iqtisadi əməkdaşlıq məsələləri üzrə birgə Hökumətlərarası Komissiyanın həmsədri Samir Şərifov Tacikistanın Bakıdakı səfiri İlhom Abdurahmonla görüşüb.

Bu barədə “Sizinxeber.az” Tacikistan XİN-ə istinadən xəbər verir.

Danışıqlar zamanı tərəflər Tacikistan Respublikası ilə Azərbaycan arasında hökumətlərarası komissiyanın yeddinci iclasının yekunları üzrə əldə olunmuş razılaşmaların həyata keçirilməsinin gedişatını müzakirə ediblər.

Bundan başqa, S.Şərifov və İ.Abdurahmon əməkdaşlığın mövcud vəziyyətinə və inkişaf perspektivlərinə, xüsusilə ticarət dövriyyəsinin artırılmasına, sənaye, kənd təsərrüfatı, nəqliyyat və investisiya sahələrində əməkdaşlığın genişləndirilməsinə diqqət ayırıblar.

S.Şərifov, həmçinin missiya rəhbərinə bu il mayın 29-31-də Düşənbədə keçiriləcək Buzlaqların qorunması üzrə yüksək səviyyəli konfransda Azərbaycan nümayəndə heyətinə başçılıq edəcəyini bildirib.

Oxşar xəbərlər

Azərbaycanla Tacikistan arasında ticarət-iqtisadi əməkdaşlıq üzrə Birgə Hökumətlərarası Komissiyanın 7-ci iclası keçirilib

Azərbaycan-Belarus iqtisadi əməkdaşlıq üzrə hökumətlərarası komissiyanın sədri dəyişib

Samir Şərifov Belarus xarici işlər nazirinin müavini ilə görüşüb

Azərbaycan və Tacikistan birbaşa aviareyslər açmaq niyyətindədir

Əli Əsədov Moldova Baş nazirinin müavini ilə ikitərəfli əməkdaşlığı müzakirə edib