Azərbaycanın xarici işlər naziri Ceyhun Bayramov Bəhreynin xarici işlər naziri Raşid Alzayani ilə geniş tərkibdə görüş keçirib.

Sizinxeber.az xəbər verir ki, bu barədə Azərbaycan XİN məlumat yayıb.

Müzakirələr siyasi dialoq, ticarət-iqtisadi əməkdaşlıq və humanitar təşəbbüslər də daxil olmaqla, geniş sahələri əhatə edib.

Hər iki tərəf yüksək səviyyəli qarşılıqlı səfərlər, müntəzəm siyasi məsləhətləşmələr və strukturlaşdırılmış iqtisadi əməkdaşlıq mexanizminin yaradılması vasitəsilə qarşılıqlı əlaqələrin gücləndirilməsinin vacibliyini vurğulayıb.

Nazirlər BMT, İƏT, Qoşulmama Hərəkatı və AQEM kimi regional və beynəlxalq platformalarda davamlı qarşılıqlı dəstək və həmrəyliyə sadiq olduqlarını bir daha təsdiqləyiblər.

Ceyhun Bayramov bəhreynli həmkarına regionda münaqişədən sonra aparılan yenidənqurma və bərpa işlərinin, o cümlədən minalardan təmizləmə əməliyyatlarının gedişi və davamlı sülhün yaradılmasına yönəlmiş səylər barədə məlumat verib.

Oxşar xəbərlər

Azərbaycan və Venesuela arasında regional-beynəlxalq təhlükəsizlik məsələləri müzakirə olunub

Ceyhun Bayramov Monteneqronun xarici işlər naziri Ervin İbrahimoviç ilə görüşüb

Ceyhun Bayramov Vyetnam xarici işlər naziri ilə görüşüb

Nazir: Qarşılıqlı səfərlər Azərbaycan-Serbiya münasibətlərinin inkişafında mühüm rol oynayır

Ceyhun Bayramov və BƏƏ-nin XİN başçısı arasında telefon danışığı baş tutub