WUF13 çərçivəsində keçirilən Şərqi Avropa və Mərkəzi Asiya regionları ilə bağlı konfransda müzakirə aparılıb.

Sizinxeber.az xəbər verir ki, Asiya və Sakit okean üzrə İqtisadi və Sosial Komissiyasının (ESCAP) rəsmisi Asiya-Sakit Okean regionunda şəhərlərin iqlim dəyişiklikləri, qeyri-formal yaşayış, infrastruktur çatışmazlığı və idarəetmə problemləri kimi bir-biri ilə əlaqəli risklərlə üz-üzə olduğunu və bu çağırışların həlli üçün inteqrasiya olunmuş yanaşmalar tələb olunduğunu bildirib.

Bildirilib ki, regionda 700 milyona yaxın insan qeyri-formal yaşayış məntəqələrində yaşayır və bu göstərici dünyadakı qeyri-formal yaşayış şəraitində yaşayan əhalinin təxminən 60 faizini təşkil edir.

Onun sözlərinə görə, bu vəziyyət yalnız mənzil çatışmazlığını yox, həm də idarəetmə və şəhərsalma sahəsində struktur boşluqları əks etdirir.

ESCAP rəsmisi qeyd edib ki, region BMT-nin Dayanıqlı İnkişaf Məqsədləri çərçivəsində müəyyən edilmiş dayanıqlı şəhərlər və icmalar hədəfi üzrə geridə qalır. Bununla yanaşı, bəzi ölkələrdə fəlakət riskinin azaldılması strategiyalarının hazırlanması və hava keyfiyyətinin yaxşılaşdırılması istiqamətində irəliləyişlərin olduğu da diqqətə çatdırılıb.

Oxşar xəbərlər

Vyetnam səfiri: Azərbaycan Asiya-Sakit okean regionunda uğurlu siyasət yürüdür

Azərbaycanla ESCAP arasında ikitərəfli əməkdaşlıq məsələləri müzakirə olunub

Azərbaycan “QS Ali Təhsil Pre-sammiti: Asiya Sakit Okean 2024”də təmsil olunub

DSMF sədri İSSA-nın Asiya və Sakit okean ölkələri üzrə Regional Sosial Təminat Forumunda iştirak edib

ADB Asiya-Sakit okean regionunda transsərhəd elektrik şəbəkələri üçün 50 milyard dollar ayıracaq