Mayın 1-də İtaliya parlamentinin Parlamentlərarası İttifaq yanında Azərbaycanla dostluq qrupunun üzvlərindən ibarət nümayəndə heyəti işğaldan azad olunmuş ərazilərə səfər çərçivəsində Ağdama gəlib.

Bu barədə "Report"a Milli Məclisin Mətbuat və İctimaiyyətlə Əlaqələr Şöbəsindən bildirilib.

Nümayəndə heyətinin üzvləri Ağdam şəhərində görülən işlər və buradakı İmarət kompleksi ilə tanış olublar.

Sonra qonaqlar Xankəndi şəhərinə gəliblər. Onlar burada Zəfər meydanını gəziblər, qonaqlara şəhərdə görülən işlər barədə məlumat verilib.

İtaliya parlamentinin Parlamentlərarası İttifaq yanında Azərbaycanla dostluq qrupunun üzvlərindən ibarət nümayəndə heyəti Xankəndidən sonra Şuşa şəhərinə gəlib.

Səfər zamanı nümayəndə heyəti Cıdır düzü, Şuşanın tarixi məkanları, həmçinin burada aparılan bərpa-quruculuq işləri ilə tanış olub.

Qonaqları Milli Məclisin deputatı, İtaliya ilə parlamentlərarası əlaqələr üzrə işçi qrupunun rəhbəri Azər Kərimli müşayiət edib.

Oxşar xəbərlər

İtaliyalı deputatlar Fəxri xiyabanı və Zəfər parkını ziyarət ediblər

İtaliya deputatları Xankəndiyə səfər edib - FOTO

Əli Əhmədov: İtaliya ilə parlamentlərarası əlaqələr iqtisadi və siyasi dialoqun inkişafına müsbət təsir göstərir

Milli Məclisin sədri İsveçrədə işgüzar səfərdədir

Gürcüstandan olan azərbaycanlıların üçüncü qrupu Xankəndiyə səfər edib - FOTO - YENİLƏNİB