Nazir: Gələn il Azərbaycan-Sloveniya diplomatik münasibətlərinin 30 illiyi qeyd olunacaq

2026-cı ildə Azərbaycanla Sloveniya arasında diplomatik münasibətlərin qurulmasının 30 il tamam olacaq.

"Sizinxeber.az"un məlumatına görə, bunu Sloveniyanın xarici işlər naziri Tanya Fayonla birgə mətbuat konfransı zamanı Azərbaycanın xarici işlər naziri Ceyhun Bayramov deyib.

Nazir qeyd edib ki, bu tarixə tərəflər dostluq abu-havasında, bir-birinin maraqlarını nəzərə almaqla yaxınlaşırlar:

"İki ölkə arasında dialoqu genişləndirmək üçün siyasi məsləhətləşmələrin aparılması vacibdir. Sonuncu belə məsləhətləşmə 2025-ci ilin fevralında Bakıda baş tutub".