Gürcüstan Ermənistan və Azərbaycan arasında istənilən səviyyədə dialoqun aparılmasına vasitəçilik etməyə hər zaman hazır olub və indi də hazırdır.

Gürcüstanın regiondakı rolu vurğulandı

APA xəbər verir ki, bunu Antalya Diplomatiya Forumu çərçivəsində "Cənubi Qafqazda regional əməkdaşlıq üçün çağırışlar və imkanlar" mövzusunda panel müzakirəsində Gürcüstanın xarici işlər naziri Maka Boçorişvili deyib.

Azərbaycan və Ermənistanla münasibətlər strateji səviyyədədir

“Gürcüstanın ənənəvi olaraq hər iki qonşusu ilə - Azərbaycan və Ermənistanla yaxşı münasibətləri olub. Azərbaycanla dostluğa və çox yaxşı əməkdaşlığa əsaslanan strateji tərəfdaşlıq münasibətləri var və bu, bizim regiondakı çox güclü aktivdir. Ermənistanla da bizim çox yaxşı münasibətlərimiz olub və bu yaxınlarda strateji tərəfdaşlığa yüksəlib. Bu da Gürcüstanın indiki vəziyyətdə malik olduğu yaxşı aktivdir."

Tərəflərə etibar edilə biləcək ölkə: Gürcüstan

"Bizim regionumuzda sülh və sabitliyin təşviqində səmimi niyətimiz var. Ona görə də, həmişə deyirik və indi də bunu təkrarlamaq istəyirəm ki, Gürcüstan Ermənistan və Azərbaycanın arxalana biləcəyi yerdir və biz regionumuzda dialoqu və əməkdaşlığı asanlaşdıracaq bütün mümkün vasitələri təmin edəcəyik. Cənubi Qafqazın böyük potensialı var”, - deyə nazir əlavə edib.

Oxşar xəbərlər

Boçorişvili: Bütün qonşularla əməkdaşlıq edirik, Rusiya istisna olmaqla

Boçorişvili: Gürcüstan Ermənistan və Azərbaycanın həmişə güvənə biləcəyi ölkədir

Ceyhun Bayramov Ermənistanla sülh müqaviləsinin imzalanması üçün şərtləri bir daha açıqlayıb

Azərbaycan, Ermənistan və Gürcüstan XİN başçıları Antalyada Cənubi Qafqazı müzakirə edirlər

Azərbaycan və Gürcüstan liderlərinin müzakirə edəcəyi məsələlər açıqlanıb