9 aprel 2025-ci il tarixində Xarici İşlər Nazirliyində daimi diplomatik xidmətə qəbul olunmuş əməkdaşların ilk dəfə olaraq andiçmə mərasimi keçirilib.

XİN-dən APA-ya verilən xəbərə görə, andiçmə tədbiri yeni “Diplomatik xidmət haqqında” Azərbaycan Respublikasının Qanununun 20-ci maddəsinin tələblərinə əsasən təşkil olunub.

Andiçmə mərasimində Xarici İşlər Nazirliyi və Dövlət İmtahan Mərkəzinin birgə təşkilatçılığı ilə həyata keçirilən diplomatik xidmətə qəbul imtahanında müvəffəqiyyət qazanaraq, 6 ay müddətinə stajçı, daha sonra isə 3 aylıq sınaq müddəti ilə attaşe vəzifəsinə təyinatı həyata keçirilən əməkdaşlar iştirak edib.

Əməkdaşlar daha sonra “Diplomatik xidmət haqqında” Azərbaycan Respublikasının Qanununun 20.2-ci maddəsinə əsasən şəxsi işlərində saxlanılacaq andın yazılı mətnini imzalayıblar.

Oxşar xəbərlər

Bu il Azərbaycanın xaricdə 12 diplomatik missiya rəhbəri və 1 səfir müavini təyinatı aparılıb

Nazir müavini: Yeni qanun diplomatik xidmətin daha səmərəli təşkilinə böyük töhfə verəcək

Ədliyyə orqanlarına işə qəbul olunmuş əməkdaşların andiçmə mərasimi keçirilib

Ceyhun Bayramov əmək fəaliyyətinə yeni başlayan gənc diplomatlar ilə görüşüb

Bu il 45 namizəd XİN sistemində diplomatik vəzifələrə təyin edilib