Qlobal problemlərin həlli bütün platformalarda çoxtərəfli dialoqun davam etdirilməsini tələb edir.

“Report” xəbər verir ki, bunu BMT-nin Azərbaycandakı rezident əlaqələndiricisi Vladanka Andreyeva qarşıdan gələn Qlobal Bakı Forumuna həsr olunmuş qəbulda bildirib.

"Bu gün dünya fərqlidir. Daim dəyişən qlobal geosiyasət fonunda bizi birləşdirən prinsiplərə: həmrəylik, humanizm, beynəlxalq hüquqa hörmət prinsiplərinə sadiq qalmalıyıq", - o bildirib.

V.Andreyeva vurğulayıb ki, artıq dörd ilə yaxındır, Azərbaycandadır və bütün bu müddət ərzində Bakı Forumuna böyük əhəmiyyət verib.

"Bir sıra BMT rəhbərləri, agentlik başçıları bu ilin martında yenidən bizə qoşulacaqlar. Sadəcə, belə platformaların əhəmiyyətini bir daha təsdiqləmək istəyirəm. Hazırkı vəziyyətdə biz böhranı fürsətə çevirə bilərik", - o qeyd edib.

Oxşar xəbərlər

Vladanka Andreyeva: "Azərbaycan digər ölkələrə humanitar və inkişaf yardımını getdikcə artırır"

Vladanka Andreyeva: BMT COP29-un keçirilməsində Azərbaycana dəstək vermək niyyətindədir

Vladanka Andreyeva: “2050-ci ilə qədər sıfır karbon hədəfinə çatmaq üçün imkan pəncərəsi daralır”

Vladanka Andreyeva Azərbaycana başsağlığı verib

Vladanka Andreyeva: BMT Azərbaycanla tərəfdaşlığını davam etdirməyə sadiqdir