Polşa Respublikasının xarici işlər naziri Radoslav Şikorski Azərbaycan Respublikasının xarici işlər naziri Ceyhun Bayramovla telefon danışığında “Azərbaycan Hava Yolları”na məxsus sərnişin təyyarəsinin faciəvi şəkildə qəzaya uğraması ilə bağlı bir daha başsağlığı diləklərini çatdırıb.

Bu barədə “Sizinxeber.az”a Xarici İşlər Nazirliyindən bildirilib.

Radoslav Şikorski Polşa tərəfinin faciənin səbəblərinin araşdırılması istiqamətində mümkün texniki dəstəyin göstərilməsinə hazır olduğu bildirilib.

Nazir Ceyhun Bayramov başsağlığı diləkləri və göstərilən həmrəyliyə görə təşəkkür edib.

Qeyd edək ki, 2010-cu ildə Polşa Prezidenti Lex Kaçinski və xanımı Mariya Kaçinskinin də olduğu təyyarə Smolensk-Severnı aerodromunda müəmmalı şəkildə qəzaya uğramışdı. Prezident və Polşanın ali dövlət strukturlarının rəhbərləri də daxil olmaqla təyyarədə olan 96 nəfərin hamısı ölmüşdü. İstintaq araşdırmaları qəzanın kənar müdaxilə səbindən baş verdiyini sübut edib.

Oxşar xəbərlər

Azərbaycan-Aİ münasibətləri ətraflı müzakirə olunub

Ceyhun Bayramov Polşanın xarici işlər naziri ilə telefonla danışıb

Litvanın yeni xarici işlər naziri təyyarə qəzasına görə azərbaycanlı həmkarına başsağlığı verib

Hakan Fidan: Türkiyə qardaş Azərbaycanla hər zaman həmrəydir

Ceyhun Bayramov: Təyyarə qəzasının səbəbləri ciddi və hərtərəfli şəkildə müəyyənləşdirilərək elan olunmalıdır - YENİLƏNİB