ABŞ-nin Azərbaycandakı səfirliyinin “Report” agentliyinin guya yanlış təəssürat yaradan məlumat yayması barədə “X” platformasında paylaşımı həqiqəti əks etdirmir.

Səfirlik “X” platformasında vurğulayıb ki, “Report” ABŞ səfirliyinə Ermənistandan 1988-90-cı illərdə qovulmuş azərbaycanlıların Ermənistanda mədəni irsinin qorunması ilə bağlı sorğusuna cavabını dərc edilməyib.

Məsələyə bir daha aydınlıq gətirmək məqsədi ilə bildirməyi özümüzə borc bilirik ki, ABŞ-nin Ermənistandakı səfirliyi Azərbaycanın Qarabağ bölgəsində erməni irsinin qorunması ilə bağlı qrant layihəsi elan edib, “Report” Agentliyi isə ABŞ-nin Azərbaycandakı səfirliyinə Ermənistandan 1988-90-cı illərdə qovulmuş azərbaycanlıların Ermənistanda mədəni irsinin qorunması ilə bağlı hansı layihələrin həyata keçirilməsi ilə bağlı sual ünvanlayıb.

Səfirlik sorğuya cavabında Azərbaycanın işğaldan azad edilən ərazilərdə bundan sonra nə etmək istədikləri cavabını göndərib, faktiki olaraq, sorğuya mahiyyətcə cavab verilməyib.

Bu cavaba uyğun olaraq “Report” agentliyi məlumat paylaşıb, amma cavabı tam olaraq dərc etməyə lüzum görmür. Sualın Ermənistan, cavabın isə Azərbaycanın ərazi haqqında olması səbəbindən ABŞ səfirliyinin cavabı adıçəkilən xəbər də ümumi formada verilib.

Oxşar xəbərlər

ABŞ-nin Azərbaycandakı səfirliyi "Report"un sorğusuna cavab verib

İordaniyalı professor: Ermənistanda azərbaycanlıların irsi yox olmaq təhdidi ilə üz-üzədir

İcma: ABŞ səfirliyi yaydığı açıqlama ilə ictimaiyyəti yanıltmağa cəhd edib

Qərbi Azərbaycan İcması: Blinkeni göndərdiyimiz məktuba cavab verməyə çağırırıq

ISESCO Şuşa irsinin qiymətləndirilməsi işlərinə başlayıb