Tbilisidə Azərbaycan Xalq Cümhuriyyətinin (AXC) yaradılmasının 108-ci ildönümü ərəfəsində ilk respublikanın banilərindən olan Fətəli xan Xoyski və Həsən bəy Ağayevin məzarları ziyarət olunub.

APA-nın yerli bürosu xəbər verir ki, Azərbaycanın Gürcüstandakı səfiri Faiq Quliyev, səfirlik və hərbi attaşe aparatının əməkdaşları, Azərbaycanlı İş Adamları Birliyinin sədri Nəriman Qurbanov, “SOCAR Energy Georgia” şirkətinin nümayəndələri, Əməkdar artist, xanəndə Təyyar Bayramov Tbilisidəki Milli Nəbatat Bağında azərbaycanlıların panteonunda görkəmli dövlət xadimlərinin xatirəsini rəğbətlə anaraq məzarları üstünə gül dəstələri düzüblər.

Panteonda dəfn olunan Azərbaycan ədəbiyyatının qüdrətli simaları Mirzə Şəfi Vazeh, Mirzə Fətəli Axundov və onun ailə üzvlərinin məzarları önünə də güllər qoyulub.

28 May – Müstəqillik Günü münasibətilə həmçinin Tbilisidə Heydər Əliyev adına parkda ümummilli liderin büstü ziyarət olunub, xatirəsi ehtiramla yad edilib.

Oxşar xəbərlər

Gürcüstanda Ulu Öndər Heydər Əliyevin xatirəsi anılıb - FOTO

DTX əməkdaşları Şəhidlər xiyabanını ziyarət edib

Şuşada keçiriləcək beynəlxalq konfrans iştirakçıları Ulu Öndər Heydər Əliyevin məzarını və Şəhidlər xiyabanını ziyarət edib

Somali Prezidenti Fəxri xiyabanda Ulu Öndər Heydər Əliyevin xatirəsini anıb

Prokurorluq əməkdaşları Fəxri Xiyabanı ziyarət edib - FOTO