"İran İslam Respublikası və Azərbaycan Respublikası iki qonşu və müsəlman xalqın dərin tarixi, dini və mədəni dəyərlərindən qaynaqlanaraq, hər zaman qarşılıqlı hörmətə əsaslanan dostluq münasibətlərinə malik olub".

APA-nın Tehran bürosunun verdiyi xəbərə görə, bu barədə xarici işlər naziri Seyid Abbas Əraqçinin Azərbaycan Respublikasının Müstəqillik Günü münasibətilə həmkarı Ceyhun Bayramova ünvanladığı təbrik mesajında deyilir.

"Məmnunluq doğuran haldır ki, hər iki ölkənin rəhbərləri xalqlarımızın arzu və istəklərinin həyata keçirilməsi istiqamətində hər zaman səylə çalışıb və bunun nəticəsində ölkələrimiz arasında münasibətlər gündən-günə inkişaf və tərəqqi yolunda irəliləyib.

Məmnunluqla qeyd edirəm ki, bu dinamik inkişaf prosesi ikitərəfli, regional və beynəlxalq səviyyələrdə müxtəlif mövzuları və ortaq maraqları əhatə edərək, daha da möhkəmlənir və sürət qazanır", - Əraqçi qeyd edib.

İranın XİN rəhbəri o cümlədən Azərbaycan hökumətinə və xalqına rifah, xoşbəxtlik və firavanlıq arzulayıb.

Oxşar xəbərlər

Azərbaycan Prezidenti Xameneyiyə təbrik ünvanlayıb

Ceyhun Bayramov və iranlı həmkarı Abbas Araqçi arasında telefon danışığı olub - YENİLƏNİB

Ceyhun Bayramov və iranlı həmkarı Abbas Araqçi arasında telefon danışığı olub

Azərbaycan və Rusiya XİN rəhbərləri arasında məktub mübadiləsi olub

Prezident İlham Əliyev Məsud Pezeşkianı təbrik edib