Xorvatiya Respublikasının Baş naziri Andrey Plenkoviç Azərbaycan Respublikasının Prezidenti İlham Əliyevə təbrik ünvanlayıb.

Sizinxeber.az xəbər verir ki, məktubda deyilir:

"Hörmətli Prezident.

Azərbaycan Respublikasının Müstəqillik Günü münasibətilə Sizə və xalqınıza Xorvatiya Respublikasının Hökuməti adından və şəxsən öz adımdan təbriklərimi çatdırıram.

Xorvatiya Respublikası dialoq, qarşılıqlı hörmət və əməkdaşlıq yolu ilə müxtəlif sahələrdə ikitərəfli əlaqələrimizin daha da möhkəmləndirilməsinə böyük əhəmiyyət verir. Əminəm ki, Xorvatiya ilə Azərbaycan arasındakı dostluq və strateji tərəfdaşlıq xalqlarımızın rifahı naminə birgə səylərimizlə daha da dərinləşəcək.

Xorvatiya Respublikası ümumi əməkdaşlığımızı xüsusən də ticarət və enerji təhlükəsizliyi sahələrində daha da gücləndirməkdə maraqlıdır. İqtisadi əlaqələrimiz böyük əhəmiyyət kəsb edir, xüsusilə Xorvatiya və Azərbaycan şirkətləri arasında daha sıx əməkdaşlığı təşviq etmək və qarşılıqlı investisiyaları artırmaqla mühüm inkişaf potensialına malikdir.

Cənab Prezident, bayram münasibətilə Sizə ən xoş arzularımı bir daha çatdırır, ən yüksək ehtiramımı qəbul etməyinizi xahiş edirəm".

Oxşar xəbərlər

Xorvatiya Baş naziri Prezident İlham Əliyevə təbrik ünvanlayıb

Andrey Plenkoviç: Xorvatiya Azərbaycanla ticarət və enerji təhlükəsizliyində əməkdaşlığı gücləndirməkdə maraqlıdır

Xorvatiya Prezidenti Azərbaycan liderini təbrik edib

Xorvatiya Prezidenti Azərbaycan liderinə təbrik məktubu göndərib

Xorvatiya Baş naziri Əli Əsədova başsağlığı məktubu ünvanlayıb