Azərbaycanda 1 400 bələdiyyə birləşdirilir və ümumi say 684-ə endirilir.

“Report” xəbər verir ki, bu barədə Milli Məclisin Regional məsələlər komitəsinin iclasında müzakirə aparılır.

Qeyd olunub ki, “Bələdiyyələrin birgə fəaliyyəti, birləşməsi, ayrılması və ləğv edilməsi haqqında qanunda dəyişiklik edilməsi barədə” qanuna əsasən, ölkə üzrə sonuncu bələdiyyə seçkilərinin keçirildiyi ildən sonrakı dörd ilin son iki ili ərzində əhalisinin sayı 3 000 nəfərdən və ya ev təsərrüfatlarının sayı 1 000 vahiddən az olan bələdiyyələr onlarda yaranan sosial-iqtisadi vəziyyət, tarixi və digər yerli xüsusiyyətlər nəzərə alınmaqla Milli Məclisin qərarı ilə digər bələdiyyələrlə birləşdirilir.

Qanunun tələblərinə əsasən, bələdiyyələrin birləşmə ilə bağlı Milli Məclisə təqdim etdikləri rəylərə baxılıb və nəticədə 1 400 bələdiyyənin birləşdirilməsi yolu ilə ölkə ərazisində bələdiyyələrin ümumi sayının 684-ə endirilməsi nəzərdə tutulub. Bununla əlaqədar “Azərbaycan Respublikasında bələdiyyələrin birləşməsi yolu ilə yeni bələdiyyələrin yaradılması haqqında” və “Bələdiyyələrin əraziləri və torpaqları haqqında” qanuna əlavə - “Azərbaycan Respublikasında bələdiyyələrin siyahısı”nda dəyişiklik edilməsi barədə qanun layihələri hazırlanıb.

Komitə sədri Siyavuş Novruzov bildirib ki, dekabrda keçirilməsi nəzərdə tutulan bələdiyyə seçkilərində yeni yaradılacaq bələdiyyə üzrə səsvermə aparılacaq: "Birləşən bələdiyyələrdən ən böyüyü mərkəz hesab edilərək adı müəyyənləşəcək. Bütün bələdiyyələr bununla bağlı rəy verib və artıq yeni siyahı hazırdır".

Oxşar xəbərlər

Milli Məclis bələdiyyələrin birləşməsi və ləğv edilməsi ilə bağlı layihəni qəbul edib [xfgiven_updateblue][/xfgiven_updateblue]

İlham Əliyev “Bələdiyyələrin statusu haqqında” qanuna dəyişiklikləri təsdiqləyib [xfgiven_updateblue][/xfgiven_updateblue]

Azərbaycanda 1400 bələdiyyə birləşəcək, ölkədə 684 bələdiyyə olacaq [xfgiven_updateblue][/xfgiven_updateblue]

Azərbaycanda bələdiyyələrin birləşdirilmə proseduru müəyyənləşir [xfgiven_updateblue][/xfgiven_updateblue]

Azərbaycanda bələdiyyələrin sayı yarıya qədər azaldılır [xfgiven_updateblue][/xfgiven_updateblue]