Azərbaycanda 1000-dən çox adda hərbi təyinatlı məhsul istehsal edilir.

"Report"un xəbərinə görə, bu, Prezident İlham Əliyevin “ADEX-2024” 5-ci Yubiley Azərbaycan Beynəlxalq Müdafiə Sərgisinin və “Securex Caspian” 14-cü Beynəlxalq Daxili Təhlükəsizlik, Mühafizə və Xilasetmə Avadanlıqları Sərgisinin iştirakçılarına müraciətində qeyd edilib.

"Həm Azərbaycanın Silahlı Qüvvələri müasir silah növləri ilə təchiz edilir, həm də dünya ölkələrinin müdafiə sənayesi şirkətləri istehsal etdiyimiz məhsullarla yaxından maraqlanırlar. Bir çox dost və müttəfiq dövlətlərlə müdafiə sənayesi sahəsində yeni əməkdaşlıqlar qurulur, mövcud əlaqələr uğurla davam etdirilir. Azərbaycan müdafiə sənayesi sahəsində dinamik inkişafa nail olmaqla hərbi-texniki imkanlarını genişləndirir", - dövlət başçısı vurğulayıb.

Prezident qeyd edib ki, beynəlxalq ictimaiyyət tərəfindən tanınan ərazilərimizin işğaldan azad edilməsində müstəsna rol oynamış Azərbaycan hərbi sənaye kompleksinin gücü və qüdrəti, ölkəmizdə istehsal olunan müasir silahlar da “ADEX” sərgisi çərçivəsində nümayiş olunur. Təsadüfi deyil ki, istər 44 günlük Vətən müharibəsi, istərsə də lokal xarakterli antiterror əməliyyatları zamanı Azərbaycan Silahlı Qüvvələrinin döyüş təcrübəsi inkişaf etmiş ölkələrin hərbi mərkəzlərində bu gün diqqətlə öyrənilir.

Oxşar xəbərlər

Azərbaycan Prezidenti: Son illərdə ölkəmizin müdafiə sənayesi çox sürətlə inkişaf edir [xfgiven_updateblue][/xfgiven_updateblue]

İlham Əliyev: Azərbaycanın müdafiə sənayesi çox sürətlə inkişaf edir [xfgiven_updateblue][/xfgiven_updateblue]

Prezident “ADEX-2024”ün iştirakçılarına müraciət ünvanlayıb [xfgiven_updateblue][/xfgiven_updateblue]

Prezident “ADEX-2024” və “Securex Caspian” sərgilərinin iştirakçılarına müraciət ünvanlayıb [xfgiven_updateblue][/xfgiven_updateblue]

Aparat rəhbəri: ADEX və "Securex Caspian" sərgiləri müdafiə sənayesi sahəsində ən nəhəng tədbirlərdəndir [xfgiven_updateblue][/xfgiven_updateblue]