Azərbaycanın bir sıra dövlət orqan və qurumlarının mətbuat xidmətlərinin nümayəndələri Özbəkistan Respublikası Prezidentinin Administrasiyası yanında İnformasiya və Kütləvi Kommunikasiya Agentliyində olub, Agentliyin fəaliyyəti ilə bağlı ətraflı məlumat alıblar.

Bu barədə "Sizinxeber.az"a Medianın İnkişafı Agentliyindən (MEDİA) məlumat verilib.

Bildirilib ki, görüşdə Agentliyin iş prinsipləri, strateji hədəfləri, fəaliyyət istiqamətləri və mexanizmi, ölkənin media siyasətinin formalaşdırılmasında rolu, prioritetləri və gördüyü işlər barədə Azərbaycan nümayəndə heyətinə geniş təqdimat edilib.

Bununla yanaşı, mətbuat xidmətlərinin nümayəndələri Özbəkistanın müxtəlif nazirlik və idarələrinin fəaliyyətləri ilə tanış olub, ictimaiyyətlə əlaqələrə məsul şəxslərin peşəkar bacarıqlarının təkmilləşdirilməsi və inkişaf etdirilməsi, kommunikasiya sahəsində ən son tendensiyaların və qabaqcıl təcrübələrin öyrənilməsi, effektiv ünsiyyətin qurulması barədə müzakirələr aparıb.

Oxşar xəbərlər

Azərbaycan və Özbəkistan arasında informasiya sahəsində əməkdaşlığın inkişaf perspektivləri müzakirə olunub

MEDİA-da ATƏT-in DTİHB-nun Seçki Müşahidə Missiyasının nümayəndələri ilə görüş keçirilib

Əhməd İsmayılov: Azərbaycan və Özbəkistanın media subyektləri arasında əməkdaşlığın gücləndirilməsi istiqamətində işlər görülür

Kamran Həsənov: Media sahəsində əməkdaşlıq milli təhlükəsizlik məsələsində əsas komponentdir

ATƏT/DTİHB ilə seçkilərdə medianin fəaliyyəti müzakirə edilib