Yaponiyanın Azərbaycandakı fövqəladə və səlahiyyətli səfirinin müavini, müşavir Goto Fumio APA Media Qrupun qonağı olub.

Görüş zamanı APA Media Qrupunun baş direktoru Vüsalə Mahirqızı qonağa media qurumunun fəaliyyəti, strukturuna daxil olan xəbər saytları və beynəlxalq əməkdaşlıq istiqamətləri barədə ətraflı məlumat verib.

O, eyni zamanda, Azərbaycanın media mühitində APA-nın tutduğu mövqe və son dövrlərdə həyata keçirilən yeniliklər barədə danışıb.

Vüsalə Mahirqızı Azərbaycanda diplomatik fəaliyyətə başlaması münasibətilə Goto Fumioya uğurlar arzulayıb və gələcək əməkdaşlıqda maraqlı olduqlarını bildirib.

Goto Fumio isə öz növbəsində Azərbaycanda diplomatik fəaliyyətini davam etdirməkdən məmnun olduğunu qeyd edib. O, APA Media Qrupun müxtəlif sahələr üzrə yayımladığı xəbərləri mütəmadi izlədiyini və Yaponiyanın media qurumları ilə əməkdaşlığın hər iki tərəf üçün qarşılıqlı faydalı olacağına inandığını vurğulayıb.

Görüşdə APA informasiya agentliyinin baş redaktoru Fərid Mirzə və APA Media Qrupun beynəlxalq münasibətlər departamentinin rəhbəri Faiq Mahmudov da iştirak edib.

Tərəflər media sahəsində gələcək əməkdaşlıq perspektivləri və təcrübə mübadiləsi imkanları ətrafında fikir mübadiləsi aparıblar.

Oxşar xəbərlər

Türkiyənin Azərbaycandakı səfirliyinin mətbuat müşaviri “APA Media Group”un qonağı olub

BDU-nun Jurnalistika fakültəsində Vüsalə Mahirqızı ilə görüş keçirilib

APA Jurnalist Məktəbi fəaliyyətə başlayıb - FOTO

Türkiyə səfiri Mətbuat Şurasında olub - FOTO

Mətbuat Şurası APA-nı yubiley münasibətilə təbrik edib