Dünyada ən çox maaş alan ölkə lideri Sinqapurun Baş naziri Lourens Vonqdur.

“Report” xəbər verir ki, bu barədə “Forbes” “PoliticalSalaries”in hesablamalarına istinadən yazıb.

Saytın məlumatına görə, siyasətçinin maaşı ildə təxminən 1,69 milyon ABŞ dollarıdır. Ən çox qazanan dünya liderləri siyahısında ikinci yeri İsveçrə Prezidenti Viola Amherd tutub. Onun maaşı ildə 569,5 min dollardır.

Üçüncü yerdə ildə 412,5 min dollar maaşla Avstraliyanın Baş naziri Entoni Albanizin adı qərarlaşıb. Ondan sonra illik gəliri 400 min dollar olan ABŞ Prezidenti Cozef Baydenin adı yer alıb.

Siyahıda beşinci yerdə ildə 316,7 min dollar maaş alan Avstriya kansleri Karl Nehammerin adı qərarlaşıb. Altıncı yeri illik gəliri 310,5 min dollar olan Yeni Zelandiyanın Baş naziri Kristofer Lakson tutur. Sonrakı yeri illik 310,5 min dollar maaşla Kanadanın Baş naziri Castin Trüdo tutur. Almaniya kansleri Olaf Şolts reytinq siyahısında səkkizinci yerdədir. Onun illik gəliri 293,3 min dollardır.

Doqquzuncu yerdə ildə 276,4 min dollar maaşla Yaponiyanın Baş naziri Siqeru İsibadır. İrlandiyanın Baş naziri Simon Harris ən yüksək illik gəliri olan ilk onluğu bağlayır. Onun illik gəliri 267,3 min dollardır.

Rusiya Prezidenti Vladimir Putin bu reytinqdə 28-ci yeri tutur. Onun maaşı 113,6 min ABŞ dolları - illik 10,2 milyon rubl təşkil edir.

Oxşar xəbərlər

2023-cü ildə ən çox maaş alan futbolçu məlum oldu [xfgiven_updateblue][/xfgiven_updateblue]

2023-cü ildə dünyanın ən zəngin ailələrinin adları açıqlandı [xfgiven_updateblue][/xfgiven_updateblue]

Ceff Bezos “Amazon”un 2 milyard dollar dəyərində səhmlərini satıb [xfgiven_updateblue][/xfgiven_updateblue]

2024-cü ilin ən bahalı texnologiya şirkəti məlum olub [xfgiven_updateblue][/xfgiven_updateblue]

Almaniya Bundesliqasında ən çox maaş alan futbolçuların siyahısı açıqlanıb [xfgiven_updateblue][/xfgiven_updateblue]