Azərbaycan Cüdo Federasiyası (ACF) olimpiya çempionu Hidayət Heydərovun Çinin Sindao şəhərində keçiriləcək Qran-pridə fərqli çəki dərəcəsində iştirakına münasibət bildirib.

Bu barədə "Sizinxeber.az"un sorğusuna cavab olaraq ACF-dən bildirilib.

Qərarın məşqçilər heyəti və idmançı tərəfindən birlikdə qəbul olunduğu diqqətə çatdırılıb:

"Hidayət Heydərovun Qran-pri yarışında 81 kq çəki dərəcəsində çıxışı barədə qərar cüdoçunun sağlamlığının qorunması və yarış təcrübəsinin artırılması məqsədilə məşqçilər heyəti və idmançı tərəfindən birlikdə qəbul olunub. Onun karyerasını hansı çəki dərəcəsində davam etdirməsi barədə yekun qərar daha sonra veriləcək".

Xatırladaq ki, turnir iyunun 26-28-də baş tutacaq. Hidayət Heydərov çəkisini sala bilmədiyi üçün Monqolustanın paytaxtı Ulan-Batorda keçirilmiş "Böyük Dəbilqə" turnirində iştirak edə bilməyib. O, böyüklərin yarışında bütün medallarını 73 kq-da qazanıb.

Oxşar xəbərlər

Hidayət Heydərov Çindəki turnirdə fərqli çəki dərəcəsində mübarizə aparacaq

Hidayət Heydərov "Böyük Dəbilqə" turnirində tatamiyə çıxmayıb

Azərbaycan cüdo millisi Tbilisidə keçiriləcək Böyük Dəbilqə turnirində iştirak edəcək

"Böyük Dəbilqə": Bu gün Hidayət Heydərov və daha 3 cüdoçu mübarizəyə başlayır

Azərbaycan Monqolustandakı "Böyük Dəbilqə"də 17 cüdoçu ilə təmsil olunacaq