2024-2025-ci tədris ilində Beynəlxalq ikili diplom proqramları üzrə 1041 tələbə təhsil hüququ qazanıb.

APA-nın xəbərinə görə, bu, Nazirlər Kabinetinin 2024-cü il üzrə hesabatında əksini tapıb.

“Beynəlxalq ikili diplom proqramları üzrə ümumilikdə qəbul olan tələbə sayı 1041 nəfər, məzun sayı isə 252 nəfər (152 nəfər magistratura, 100 nəfər bakalavriat səviyyəsi üzrə) olub.

Dünya universitetlərinin reytinqində ilk 500-lükdə yer alan 23 ölkənin 106 nüfuzlu ali təhsil müəssisəsində 7 prioritet ixtisas istiqaməti üzrə 284 Azərbaycan vətəndaşı doktorantura səviyyəsində təhsil almaq hüququ qazanıb.

Dövlət vəsaiti hesabına maliyyələşən ikili diplom proqramları ilə yanaşı, ölkəmizin ali təhsil müəssisələri də birbaşa xarici ölkə ali təhsil müəssisələri ilə əlaqələr qurulub. Bakalavriat səviyyəsində 11 ixtisas, magistratura səviyyəsində isə 17 ixtisas üzrə ikili diplom proqramı icra olunmaqdadır”, - hesabatda qeyd olunub.

Oxşar xəbərlər

981 nəfər Dövlət Proqramı çərçivəsində xaricdə təhsil alır

Bu il 500 tələbə xaricdə təhsil ala biləcək

2025-2026-cı tədris ili üzrə Dövlət Proqramı çərçivəsində xaricdə təhsil üçün universitet və proqramların siyahısı açıqlanıb

47 əcnəbi tələbə Azərbaycanda təhsil alacaq

Agentlik rəsmisi: Azərbaycanda 105 ölkədən 11 minə yaxın tələbə təhsil alır