Məktəbəhazırlıq qrupları və birinci siniflərin yerdəyişmə prosesi noyabrın 25-dən başlayacaq

"Report" xəbər verir ki, bunu Məktəbəqədər və Ümumi Təhsil üzrə Dövlət Agentliyi məlumat yayıb.

Qeyd edilib ki, sözügedən tarixdə, saat 11:00-dan etibarən məktəbəhazırlıq qrupları və birinci sinif şagirdlərinin yerdəyişməsi prosesi aktiv ediləcək. Proses valideynlər tərəfindən www.sy.edu.az portalı vasitəsilə həyata keçiriləcək.

Bununla yanaşı, müxtəlif səbəblərdən 10-cu siniflərə qəbul üçün gecikən şagirdlər dekabrın 1-dək müvafiq portal vasitəsilə ümumi təhsil müəssisələrinə müraciət edə bilərlər.

Qeyd edək ki, 2024-2025-ci tədris ilinin birinci yarımili üzrə şagirdlərin elektron yerdəyişməsi prosesinə noyabrın 1-dən başlanılıb. Bu günə qədər portal vasitəsilə valideynlər tərəfindən təqdim edilən 12 000 sorğu uğurla yekunlaşıb və təsdiq edilib.

Oxşar xəbərlər

Şagirdlərin elektron yerdəyişməsi prosesinin başlanacağı vaxt açıqlanıb

Şagirdlərin elektron yerdəyişməsinin vaxtı açıqlanıb

Bu gündən şagirdlərin yerdəyişməsi prosesi dayandırılır

Avqustun 30-u şagirdlərin yerdəyişməsi prosesi dayandırılacaq

Sabah şagirdlərin yerdəyişməsi prosesi dayandırılacaq