Noyabrın 11-də BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "British Council" tərəfindən “Climate Connection” (İqlim Bağları) proqramının təqdimatı keçirilib.

Bu barədə Sizinxeber.az-ya Elm və Təhsil Nazirliyindən məlumat verilib.

Mərasimdə elm və təhsil nazirinin müavini Həsən Həsənli də iştirak edib.

Məlumat verilib ki, “Climate Connection” (İqlim Bağları) proqramı qlobal iqlim əməkdaşlığı üçün platforma rolunu oynayaraq 22 milyon şəxsi əhatə edir və 7500-dən çox tərəfdaşı bir araya gətirib.

Bu il "British Council" iqlimlə bağlı müzakirələrdə əsas fəaliyyətini iqlim dəyişikliyi ilə mübarizədə incəsənətin, mədəniyyətin və təhsilin rolunu artıraraq gənclərin təşəbbüsünün gücləndirilməsi, eləcə də maraqlı tərəflərlə müzakirələrin aparılmasına yönəldib.

Bildirilib ki, COP29 zamanı "British Council" Böyük Britaniya və Şimali İrlandiya Birləşmiş Krallığının apardığı tədqiqatları, ekspert panellərini, seminarları, təlim və interaktiv sessiyaları təqdim edəcək.

Oxşar xəbərlər

İraq Kürdüstan Regionunun Başçısı Azərbaycanda səfərdədir

Elm və Təhsil Nazirliyi COP29 çərçivəsində müzakirə ediləcək mövzuları açıqlayıb

Nazir müavini: COP29-da Azərbaycanın "yaşıl iqtisadiyyat" sahəsindəki təşəbbüsləri təqdim olunacaq

Yalçın Rəfiyev: Bu gün Bakı Beynəlxalq İqlim Şəffaflıq Platforması fəaliyyətə başlayır

COP29-un baş danışıqçısı: Bütün ölkələr iqlim maliyyəsi məsələsində səylərini birləşdirməlidir