Oktyabrın 6-da Dövlət İmtahan Mərkəzinin (DİM) elektron imtahanlar korpusunda xarici dövlətlərdə ali təhsil almış şəxslər üçün peşə tanınması üzrə növbəti imtahan keçiriləcək.

DİM-dən "Sizinxeber.az"a bildirilib ki, imtahan saat 13:00-da başlanır.

Saat 12:45-dən sonra gələn iştirakçılar imtahana buraxılmırlar. İştirakçılar imtahana şəxsiyyəti təsdiq edən sənədin əslini və imtahana buraxılış vərəqəsini gətirməlidirlər.

Ərizəçilər ixtisasları üzrə proqramla DİM-in saytında tanış ola bilərlər.

Təqdim edilən proqram əsasında ərizəçilərin ixtisas biliklərinin yoxlanılması ilə yanaşı, onların peşə üzrə ümumi biliklərinin müəyyən edilməsi, məntiqi düşünmə və situasiya-mühakimə test tapşırıqları vasitəsilə davranış səriştələrinin qiymətləndirilməsi də nəzərdə tutulur.

İmtahanda iştirakçılara 30 test tapşırığı təqdim olunur. Hər doğru cavab bir balla, səhv və ya cavab verilməyən tapşırıqlar sıfır balla qiymətləndirilir. Ərizəçinin imtahanda müvəffəqiyyət qazanması üçün azı 15 bal toplaması tələb olunur. Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olurlar. Nəticələr, həmçinin növbəti gün DİM-in saytına yerləşdirilir.

Oxşar xəbərlər

Xaricdə ali təhsil almış şəxslər üçün peşə tanınması üzrə növbəti imtahan keçiriləcək

Xaricdə ali təhsil almış şəxslər üçün peşə tanınması üzrə növbəti imtahanın vaxtı açıqlanıb

Peşəkar mühasib sertifikatı üçün test imtahanının I mərhələsi keçirilib

Peşəkar mühasib sertifikatı üçün test imtahanının I mərhələsi keçirilib - YENİLƏNİB

Bu gün 1 500-dən çox namizəd peşəkar mühasib sertifikatı imtahanı verəcək