Yağıntılar səbəbindən Quba, Ağsu, Şamaxı və İsmayıllıda ekzogen-geoloji proseslərdə nisbi aktivlik olub.

Bu barədə "Report"a Geoloji Kəşfiyyat Agentliyinin sədri Əli Əliyev məlumat verib. 

Onun sözlərinə görə, son günlər ölkə ərazisində müşahidə olunan yağıntılı hava şəraitindən sonra bəzi ərazilərdə ekzogen-geoloji proseslərin dinamikasında nisbi aktivlik müşahidə olunsa da, bu proseslərin ümumi fonu stabil xarakterlidir.

Ə.Əliyev qeyd edib ki, intensiv yağıntılar səbəbindən Quba, Ağsu, Şamaxı və İsmayıllı rayonları ərazisində ekzogen-geoloji proseslərin nisbi aktivliyi qeydə alınıb ki, bu da bilavasitə mövsümi xarakterli iqlim faktorları ilə əlaqəlidir.

O əlavə edib ki, hazırda Agentliyin mütəxəssisləri aidiyyəti qurumlarla proseslərin inkişaf dinamikasını qiymətləndirir.

Oxşar xəbərlər

Agentlik: İntensiv yağıntılar sürüşmə sahələrini aktivləşdirib

Xətai rayonunda torpaq sürüşməsi olub

Namazgah-Lahıc yolunda kiçikmiqyaslı uçqun qeydə alınıb

Sürüşmə potensiallı sahələrin monitorinqi aparılır

İsmayıllıda Namazgah-Lahıc yolunda uçqun baş verib