Son günlər Azərbaycanın bir sıra bölgələrində, xüsusilə dağlıq və dağətəyi rayonlarında müşahidə olunan yağmurlu hava şəraitindən ekzogen-geoloji proseslərin dinamikasında aktivlik müşahidə olunur.

"Report" xəbər verir ki, bunu Geoloji Kəşfiyyat Agentliyinin idarə heyətinin sədri Əli Əliyev deyib.

O bildirib ki, intensiv yağıntılar lokal aktivləşmələrə və bəzi yerlərdə sürüşmə hadisəsinin baş verməsinə ehtimallar yaradıb:

"Yağıntılar nəticəsində respublikanın bir sıra ərazilərinin avtomobil yollarında, xüsusilə Bakı-Şamaxı, Şamaxı-Pirqulu və Şamaxı-İsmayıllı avtomobil yollarının keçdiyi yerlərdəki mövcud sürüşmə sahələrində aktivləşmənin baş verməsi ehtimalı yüksəkdir. Bu səbəbdən həmin istiqamətlərdəki yollardan keçərkən ehtiyatlı olmağı, əgər alternativ varsa, digər yollardan istifadəni tövsiyə edirik".

Oxşar xəbərlər

Milli Hidrometeorologiya Xidməti gözlənilən hava şəraiti ilə bağlı əhaliyə çağırış edib

Hava şəraiti ilə bağlı əhaliyə çağırış edilib

Xidmət rəisi gözlənilən hava şəraiti ilə bağlı əhaliyə çağırış edib

Bəzi yerlərə leysan yağıb - FAKTİKİ HAVA

BDYPİ-dən sürücülərə XƏBƏRDARLIQ