Metan emissiyalarının azaldılması Azərbaycan Dövlət Neft Şirkətinin (SOCAR) emissiyaların azaldılması proqramının tərkib hissəsidir.

"Sizinxeber.az" xəbər verir ki, bunu SOCAR-ın vitse-prezidenti Əfqan İsayev “Bakı İqlim Fəaliyyəti Həftəsi” çərçivəsində keçirilən "Metanla mübarizədə irəliləyiş: Qlobal miqyasda metanın azaldılmasının irəlilədilməsi" mövzusunda panel sessiyasının açılışında deyib.

O qeyd edib ki, şirkət dekarbonizasiya prosesini optimallaşdırmaq üçün müntəzəm olaraq zərərli emissiyaları ölçür.

"Biz metan sızmalarını aşkar etmək üçün peyk şəkillərini tədqiq edirik. Biz, həmçinin peşəkar şirkətləri cəlb edərək yerdə ölçmə üsullarından istifadə etməyə başlamışıq və onlarla birlikdə metan emissiyaları ilə mübarizəmizi optimallaşdırmağa kömək edəcək süni intellekt aləti hazırlayırıq", - Ə.İsayev bildirib.

Oxşar xəbərlər

SOCAR “Neft Qaz Metan Tərəfdaşlığı”na qoşulub

Birol: COP29 metan emissiyaları ilə bağlı problemin həllinə təkan verəcək

Alimlər: Son 20 ildə metan emissiyaları kəskin artıb

Umayra Tağıyeva: İqlim dəyişikliyi məsələsi Azərbaycan üçün prioritetdir

SOCAR ədalətli enerji keçidi prosesində əlçatan enerjinin təmin edilməsinin vacibliyini vurğulayır