Miras şəriklərinə vərəsəlik şəhadətnaməsi verilməsi proseduru təkmilləşdirilir.

Sizinxeber.az xəbər verir ki, bu, Milli Məclisin Aqrar siyasət komitəsinin bu gün keçirilən iclasında müzakirəyə çıxarılan Mülki Məcəlləyə təklif edilən dəyişiklikdə əksini tapıb.

Mülki Məcəlləyə əsasən, vərəsəlik şəhadətnaməsi həm bütün miras, həm də onun bir hissəsi üçün verilə bilər. Şəhadətnamə həm bütün vərəsələrə birlikdə, həm də ayrılıqda hər birinə arzularına uyğun olaraq verilir. Vərəsələrdən birinə mirasın bir hissəsi üçün vərəsəlik şəhadətnaməsinin verilməsi digər vərəsələri mirasın qalan hissəsi üçün şəhadətnamə almaq hüququndan məhrum etmir.

Məcəlləyə əlavə edilməsi təklif olunan maddələrə əsasən, notarius vərəsəlik şəhadətnaməsinin əldə olunması üçün müraciət edən vərəsəyə şəhadətnamə verərkən vərəsə olan, lakin şəhadətnamə almaq üçün müraciət etməmiş digər vərəsələrin (miras şəriklərinin) də mirasdan onlara çatacaq paylarını müəyyən edərək həmin şəhadətnamədə göstərəcək.

Daşınmaz əmlakın dövlət reyestrini və daşınar əmlakın rəsmi reyestrlərini aparan orqan tərəfindən bu Məcəllədə nəzərdə tutulmuş vərəsələr (miras şərikləri) və onların payları barədə məlumat müvafiq reyestrə daxil ediləcək.

Hər bir miras şəriki bu Məcəllədə müəyyən edilmiş payına da vərəsəlik şəhadətnaməsi ala bilər.

Miras şəriklərinin miras paylarına sərəncam vermək hüquqları var. Həmin şəxslər vərəsəlik şahadətnaməsi alanadək notariat qaydasında təsdiq edilmiş müqaviləyə əsasən miras paylarına sərəncam verə bilərlər. Miras şərikləri arasında miras paylara sərəncam verilməsi haqqında müqavilə əsasında miras payı əldə etmiş vərəsənin mirasdakı payı əldə etdiyi pay nisbətinə uyğun artırılır və vərəsəlik şəhadətnaməsində yekun payı göstəriləcək.

Oxşar xəbərlər

Ali Məhkəmə vərəsələr arasında mübahisələrə dair qərar verib [xfgiven_updateblue][/xfgiven_updateblue]

İmtina etməmək mirasın qəbulu şərti kimi müəyyən edilir [xfgiven_updateblue][/xfgiven_updateblue]

Vərəsələrin kreditorlar qarşısında məsuliyyəti yeni qaydada tənzimlənəcək [xfgiven_updateblue][/xfgiven_updateblue]

Mirasın siyahıya alınması yeni qaydada həyata keçiriləcək [xfgiven_updateblue][/xfgiven_updateblue]

Ali Məhkəmə vərəsələr arasındakı mübahisəyə dair mühüm qərar qəbul edib [xfgiven_updateblue][/xfgiven_updateblue]