Macarıstan Ukrayna və Moldovanın Avropa İttifaqına üzvlük danışıqlarında yeni mərhələlərin açılmasına yenidən mane olub.

Bu barədə "Politico" nəşri məlumat yayıb.

Məlumata görə, Budapeşt iyul ayında yeni danışıqlar klasterlərinin açılmasını dəstəkləyən və Avropa Komissiyası ilə Avropa Şurasına göndərilməsi nəzərdə tutulan məktuba imza atmaqdan imtina edib.

“Macarıstan bu qərara qarşı çıxan yeganə Aİ üzvü olub”, – deyə nəşr mənbələrə istinadən bildirib.

Bununla belə, qərarın növbəti həftə yenidən müzakirəyə çıxarılacağı qeyd edilir.

Politico xatırladır ki, 18-19 iyun tarixlərində keçirilən Aİ sammitində də məhz Macarıstan yekun bəyanatdan Ukrayna və Moldova ilə növbəti mərhələ danışıqlarının “mümkün qədər tez” başlamasına dair ifadənin çıxarılmasına nail olmuşdu.

Budapeşt Ukraynada yaşayan macar azlığının hüquqlarının pozulduğunu iddia edir. Moldovaya qarşı isə hər hansı iradı yoxdur. Lakin Aİ-nin genişlənmə qaydalarına əsasən, Ukrayna və Moldova eyni genişlənmə paketində yer aldıqları üçün bütün mərhələləri sinxron şəkildə keçməlidirlər.

Oxşar xəbərlər

Macarıstan XİN: Aİ-nin bəzi ölkəri Ukrayna üzrə sülh səylərinə mane olur

Macarıstan Ukraynanın Aİ-yə üzvlük danışıqlarına dəstək verən bəndi bloklayıb

FT: Macarıstan Ukraynanın Avropa İttifaqına üzvlük danışıqlarına qoyduğu vetonu aradan qaldırıb

Macarıstan öz ərazisindən Qərb qoşunlarının Ukraynaya göndərilməsinə icazə verməyəcək

Sandu: Moldova Aİ-yə üzvlük danışıqlarını Ukrayna ilə birlikdə aparacaq