Ödənişli və ödənişsiz sosial xidmət üçün imzalanacaq müqavilələrin fərqinin nədən ibarət olacağına aydınlıq gətirilməsinə ehtiyac var .

Sizinxeber.az xəbər verir ki, bunu Milli Məclisin Əmək və sosial siyasət komitəsinin bu gün keçirilən iclasında deputat Soltan Məmmədov deyib.

Deputat bildirib ki, əlilliyi olan insanların məşğulluğunun artırılması çox sevindirici haldır: “Bu yaxınlarda qəbul edilmiş qanunlarda əlilliyi olan şəxslərin əmək qabiliyyətinin dəstəklənməsi, bunun təkmilləşdirilməsi çox yaxşıdır. Bu baxımdan sosial xidmət növlərində təsnifatın genişləndirilməsi yaxşı haldır. Sosial iqtisadi xidmətlərlə bağlı mütləq qaydada əlilliyi olan şəxslərin məşğulluğun artırılması məsələsinin də qeyd olunması yaxşı olar. Bu, bir daha onu göstərər ki, doğrudan da qanunvericiliyimiz bu gün davamlı olaraq, əlilliyi olan şəxslərin məşğulluğunun artırılmasına dəstək olur. Əlilliyi olan şəxslərin məşğulluğa cəlb edilməsi də sosial xidmətin bir növü kimi göstərilməsi yaxşı olardı”.

Əmək və Əhalinin Sosial Müdafiəsi Nazirliyi Sosial təminat siyasəti şöbəsinin müdiri Babək Hüseynov cavabında bildirib ki, nazirlik ödənişli sosial xidmət həyata keçirmir: "Müvafiq qaydalarla ödənişli xidmətin göstərilməsi qaydası və tarifləri olsa da, 2011-ci ildən bu günə kimi ödənişli sosial xidmət üçün müraciət edən olmayıb".

Oxşar xəbərlər

18 yaşınadək əlilliyi müəyyən edilən şəxslər əlilliyi olan uşaqlar hesab ediləcək

Vladanka Andreeva: COP29 keçirilən məkanda əlilliyi olan şəxslər üçün hər cür şərait yaradılmışdı

Gözdən əlilliyi olan “Sosial notlar” layihəsi iştirakçılarına aktivlər verilib

Əlilliyi olan şəxslərin əl işlərinin satışı üçün xüsusi elektron portal yaradılacaq

Bu il əlilliyi olan şəxslərə 1500-ə qədər reabilitasiya vasitəsi verilib