Dekabrın 15-də Dövlət İmtahan Mərkəzi Hakimlərin Seçki Komitəsi ilə birgə hakim vəzifəsinə qəbul olmaq istəyən namizədlər üçün test imtahanı keçirib.

DİM-dən APA-ya verilən xəbərə görə, imtahan DİM-in elektron imtahanlar korpusunda təşkil olunub.

Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda nəticələrlə tanış olmaq imkanına malik olublar. Nəticələr həmçinin sabah gün ərzində DİM-in saytına yerləşdiriləcək.

İmtahanda iştirak etmək üçün qeydiyyatdan keçən 329 nəfərdən 4 nəfər imtahana gəlməyib. 211 nəfər 60 və daha yüksək bal toplamaqla müsabiqə şərtini ödəyərək növbəti mərhələyə buraxılıb.

İmtahan nəticələri ilə bağlı Apellyasiya Komissiyası 23 – 25 dekabr tarixlərində saat 14:00-dan 17:00-dək Dövlət İmtahan Mərkəzində (Ünvan: Bakı şəhəri, Akad., H.Əliyev küçəsi, 299) fəaliyyət göstərəcək.

Oxşar xəbərlər

Ədliyyə orqanlarında işləmək istəyən namizədlər üçün test imtаhаnı keçirilib

Hakimliyə namizədlər üçün imtahan keçiriləcək

Hakim vəzifəsinə qəbul üçün tеst imtаhаnı keçirilib - YENİLƏNİB

Dövlət qulluğuna qəbul imtahanları keçirilib

Xüsusi hazırlıq keçmiş taksi sürücüləri üçün test imtahanı keçirilib