Səfərbərlik Xidmətinin rəisi Ağcabədidə vətəndaşları qəbul edib
sizinxeber.az xəbər saytı

Səfərbərlik Xidmətinin rəisi Ağcabədidə vətəndaşları qəbul edib


Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi Mürsəl İbrahimov noyabrın 15-də Xidmətin Ağcabədi rayon şöbəsinin inzibati binasında Ağcabədi, Bərdə, Ağdam, Tərtər, Füzuli, Laçın və Xocalı rayonlarından olan vətəndaşları qəbul edib.

Dövlət Xidmətindən APA-ya verilən məlumata görə, qəbuldan əvvəl ümummilli lider Heydər Əliyevin abidəsi ziyarət edilərək önünə gül dəstəsi qoyulub, əziz xatirəsi ehtiramla yad edilib.

Qəbulda 7 şəhid ailəsi və 5 müharibə veteranı olmaqla 27 vətəndaşın müraciəti dinlənilib. Vətəndaşlar SHXÇDX-də həqiqi hərbi xidmətə və ya işə qəbul, övladlarının gələcək müddətli həqiqi hərbi xidmət yerinin müəyyənləşdirilməsi və s. məsələlərlə bağlı müraciət ediblər. Xidmət rəisi qəbul zamanı hər bir vətəndaşın müraciətini dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib. Vətəndaşların müraciətlərinin bir qismi yerindəcə həllini tapıb, bəzi məsələlər isə araşdırılması üçün nəzarətə götürülüb. SHXÇDX-nin səlahiyyətlərinə aid olmayan müraciətlər aidiyyəti qurumlara yönəldilib.

Oxşar xəbərlər

Mürsəl İbrahimov Ağdaşda vətəndaşları qəbul edib - FOTO [xfgiven_updateblue][/xfgiven_updateblue]
Mürsəl İbrahimov Gədəbəydə qəbul keçirib [xfgiven_updateblue][/xfgiven_updateblue]
Dövlət Xidmətinin rəisi Naxçıvanda qəbul keçirib [xfgiven_updateblue][/xfgiven_updateblue]
Mürsəl İbrahimov Ağdaşda vətəndaşların problemlərini dinlədi [xfgiven_updateblue][/xfgiven_updateblue]
Mədəniyyət naziri Ağcabədidə vətəndaşları qəbul edib [xfgiven_updateblue][/xfgiven_updateblue]

Ən son xəbərləri bizim

"Facebook" səhifəmizdə izləyin

Digər xəbərlər